Eksploruesit e relikeve mbetën gojë hapur kur u zhytën dhe zbuluan rrënojën e një anije 90-vjeçare të njohur si “e mallkuara”.
Anija e pasagjerëve “Manasoo”, ishte thuajse në gjendje të paprekur nën ujërat e Kanadasë, që nga mbytja e saj tragjike më 15 shtator 1928, pranë ishullit Griffith.
Postali “Manasoo” u ndërtua në vitin 1888 në Glasgoë të Skocisë, dhe po atë vit nisi udhëtimet drejt Torontos në Kanada.
Por pas një stuhie të rëndë më 15 shtator 1928, anija u fundos pranë ishullit Griffith, ku 16 vetë humbën jetën, së bashku me 116 krerë bagëti.
Disa modifikime të shtuara për akomodimin e pasagjerëve ndikuan në prishjen e balancës së saj.
Pesë të mbijetuarit kishin qëndruar për 60 orë në barkat e shpëtimit para se të shpëtoheshin nga një anije kalimtare.
Fillimisht anija ishte quajtur “Macassa Hamilton Steamship”, por mjeti skocez më pas u riemërua “Manasoo”.
Kjo, për të reflektuar portin ku ndaloi fillimisht Manitoulin dhe “Soo”, siç njihet ndryshe porti Sault Marie, në Ontario.
Detarët thonë se ndryshimi i emrit të një anijeje sjell fat të keq, prandaj anija nisi të quhej shpejt “e mallkuar” pas raportimeve se ishte mbytur.
Zhytësit Ken Merryman, Jerry Eliason, Cris Kohl e Jared Daniel, zbuluan rrënojën e Manasoo në 70 metra thellësi.
Agjencia e arkeologjisë në Ontario tha: “Kishim parë rrënoja të ruajtura mirë dhe më parë, por kjo ishte e mrekullueshme.
Uji i pastër bashkë me midhjet me motive zebrash, na jepnin shikueshmëri deri në 40-50 metra.
Për arsye se pjesa e prapme fundoset e para dhe zhytet në rërë, pjesa e përparme ngrihet lart dhe krijon tipare të mrekullueshme”.
Në anije u gjet gjithashtu një automjet “Chevrolet AA Capital” i vitit 1927, i cili i përkiste bankierit të mbijetuar Don Ëallace.
Pasi morën lejen arkeologjike në Ontario, zhytësit zbuluan me kujdes kabinat, dhomën e pilotimit, stallat e lopëve, ato të ngarkesës dhe restorantin.
Natën e fatkeqësisë era u forcua dhe “Manasoo” po goditej nga valë të mëdha.
Dëshmitarët thonë se, shpejt u bë e qartë se anija po fundosej dhe se ekuipazhi nisi të hidhej në det.
Por shumë nuk arritën të shpëtonin. Ata thonë se, kur u fundos maja e anijes u ngrit 10 metra në ajër dhe u zhyt në thellësi.
[ngg src=”galleries” ids=”213″ display=”basic_imagebrowser”]/Gazetaatdheu.com/