Ministrja Ogerta Manastirliu këtë të premte ka vizituar një ndër qendrat e vaksinimit të ngritur në universitete, për të ardhur në ndihmë të gjithë arsimtarëve dhe studentëve që të vaksinohen sa më shpejt.
Manastirliu ka bërë me dije se duke filluar nga e hëna që do të nisë dhe viti shkollor sipas vendimit të Komitetit Teknik ku të gjithë mësuesit duhet që të tregojnë ose certifikatën e vaksinimit ose një tampon ku tregojnë se nuk janë të prekur nga Covid.
“Pas vendimit të marrë pas komiteti teknik i ekspertëve për të bërë vaksinimin e detyruar për mësuesit, studentët dhe pedagogët,. Gushti ka qenë një muaj i hapur për tu vaksinuar të gjithë qytetarët mbi 18 vjeç, këtë muaj duket se ka një interes të shtuar të qytetarëve dhe të studentëve.
Vihet re se ka një numër të rritur të studentëve dhe në pikat e lëvizshme të vaksinimit në universitete.
Nga e hëna do të nisë dhe verifikimi i të gjithë atyre që e kanë bërë vaksinën, për të kontrolluar certifikatat e vaksinimit dhe kartat. Për arsimtarët të cilët akoma nuk janë vaksinuar, ato duhet që të paraqesin pranë institucioneve shkollore testin që nuk janë të infektuar. Kjo do të jetë një procedurë e përjavshme.
Ndërsa për studentët do të jenë vetë universitetet që do të bëjnë të mundur mësimin e alternuar për të gjithë ato që nuk janë vaksinuar”, ka thënë Manastirliu.
