Afro 11 mijë banorë të Kolonjës prej më shuëm se tre vite thonë se nuk kanë mjekë specialistë në spitalin e qytetit. Në spital kanë mbetur shumë pak mjekë dhe janë kthyer në shërbim mjekët pensionistë. Shumicën e pacientëve nisen me urgjencë në Korçë, pasi shërbimi i vetëm është dhënia e një serumi.
Bëhet fjalë për mungesë të mjekëve kardiologë, pediatër, okulistë, kirurgë, pneumatologë etj. Banorët thonë se kjo situatë po u rrezikon shëndetin dhe jetën, pasi rastet urgjente nuk përballohen mjaftueshëm në spitalin e Kolonjës.
“S’ka mjekë, ka 3 vite kjo punë, kur sëmuren i çojnë në Korçë, paguaj paratë dhe shko andej. Nuk ke para, vdis. Tre mjekë janë këtu. Punojnë mjkët e vjetër, ata në pension se të rinj nuk ka” – shprehen qytetarët.
Ndërkohë ministrja Manastirliu dhe kryebashkiaku Erion Isai, duket se më të shqetësuar janë për propagandën elektorale në zgjedhje, sesa për shëndetin e qytetarëve. Gjithçka mbulohet nga fasadat, të cilat janë një realitet bosh, pa shërbim dhe pa përkujdesje të mjaftueshme.