Në Republikën e Maqedonisë së Veriut sivjet është rritur numri i atyre që i kanë dhënë fund kurorëzimit.
Kështu nga Enti Shtetëror për Statistikë bëjnë me dije se vitin e kaluar janë regjistruar gjithsejt 1990 divorce, shifër kjo që paraqet një rritje për 22,8% në krahasim me vitin paraprak. Gjatë vitit të kaluar janë regjistruar gjithsejt 13.814 kurorëzime, përkatësisht 2,4% më shumë në krahasim me një vit më parë.
Sipas këtyre të dhënave, më shumë kurorëzime janë bërë në muajin gusht, kur janë martuar 1747 çifte, ndërsa mesatare e kurorëzimit është 26,9 për nusen dhe 29,7 për dhëndrin.
Ndërkohë, më shumë divorce janë realizuar gjatë muajit nëntor, kur janë regjistruar 244 divorce, apo 12,3% e numrit të përgjithshëm për vitin 2019.
Të dhënat statistikore për vitin 2019 tregojnë se kurorëzimet më së shpeshti prishen te bashkëshorti dhe bashkëshortja në moshën prej 30 deri 44 vjeç.