Drogërat vrasin! Ky është apeli që bëjnë mjekët, psikologët dhe ekspertë të tjerë të fushës. Në gjithë botën, shifrat e përdoruesve që marrin trajtime apo kanë fund tragjik janë në rritje. Por një studim i fundit, ka përjashtur marijuanën nga lloji i drograve që shkakton dëme.
Marijuana i plotëson kriteret për t`u klasifikuar si drogë me potencial më të ulët për abuzim se të tjerat, ndërsa ka dhe mbështetje shkencore për përdorimin e saj si trajtim mjekësor, thonë studiues nga Administrata amerikane e Ushqimit dhe Barnave.
Raporti i paraqitur prej tyre e mbështet riklasifikimin e saj si substancë të Tabelës III. Marijuana aktualisht klasifikohet si pjesë e Tabelës I, thotë CNN.
Në dokumentet e FDA, të cilat janë bërë publike edhe në internet, theksohet se janë vlerësuar provat shkencore dhe mjekësore, dhe për shkak se nuk ka rrezikshmëri, u kërkua edhe rikategorizimi i marijuanës.
Hulumtuesit e FDA argumentojnë se ky rekomandim bëhet për shkak se marijuana plotëson tre kritere: Ka potencial më të ulët për abuzim se substancat e tjera në Tabelat I dhe II, ka përdorim mjekësor te pranuar aktualisht në SHBA dhe një rrezik të ulët ose të moderuar të krijimit të varësisë fizike nga personat që abuzojnë me të. E thënë ndryshe, sipas FDA, marijuana mund të sjellë më tepër dobi në jetën e njeriut, sesa dëme.
Sipas studimeve të fundit, përbërësi kryesor aktiv i marijuanës (kanabis), është i rëndësishëm në trajtimin e sëmundjeve dhe çrregullimeve autoimune. Marijuana shihet si shpëtim edhe oër sëmumdjet e: HIV-AIDS, alzheimer, artriti, astma, kanceri, dhimbjet kronike, sëmundjet e zorrëve, epilepsia, glaukoma dhe skeleroza multiple.