Dy persona janë shpallur fajtorë për vrasje pasi tërhoqën dy miq në një rrugë në Londrën veriore para se t’i vrisnin pas një mosmarrëveshje rreth një borxhi prej 15,000 paundësh, raportojnë mediat britanike.
Kaziku Tuwisana, 33 vjeç, pa adresë fikse dhe Besnik Berisha, 43 vjeç, banues në Martock Gardens, N11 u dënuan për vrasjet e Arber Fesko, 30 vjeç dhe Shkelqim Paja, 36 vjeç, më 9 korrik pas një gjykimi në Old Bailey.
Gjykata dëgjoi se si Shkelqim Paja dhe Besnik Berisha kishin qenë miq për rreth tre vjet para vrasjeve.
Miqësia e tyre ishte tensionuar vitin e fundit pas një mosmarrëveshjeje mbi një shumë parash – rreth 15,000 që që Berisha ia kishte borxh Shkelqimit.
Më 18 Dhjetor 2019, Shkelqimi ngriti shqetësime se Berisha po planifikonte diçka pas shpine që e shqetësoi. Të nesërmen, të dy burrat u morën vesh që të takoheshin pasi Berisha pranoi të paguante paratë që kishte borxh.
Shkelqimi shkoi në Courtland Avenue, Mill Hill, i shoqëruar nga shoku i familjes, Arber Fesko.
Menjëherë pas orës 20:00 dy dëshmitarë të veçantë në Courtland Avenue raportuan se kishin parë një grup burrash që dukej se sulmonin një burrë tjetër. Më tej përgjatë rrugës, një burrë i dytë u pa i rrëzuar përtokë.
Policia u thirr por nuk gjeti askënd në vendin e ngjarjes. Gjaku, i cili më vonë u zbulua se ishte i Shkelqimit, u zbulua atje së bashku me celularët e tij dhe të Arbërit.
Gjithashtu u zbuluan kabllo lidhëse, një thikë dhe një mbështjellës bosh thike; thika më vonë u lidh nga mjeko ligjorët me Tuwisana dhe këllëfi për Berishën.
Oficerët identifikuan gjithashtu një pako të pahapur me doreza njëpërdorimshe. Besohet se të dy burrat hynë në disa dyqane pajisjesh dhe blenë sende të tilla si lëndë djegëse, doreza dhe pëlhura njëpërdorimshe disa orë para ngjarjes.
