Policia italiane ka arrestuar autorin e dyshuar të vrasjes së 47-vjeçares shqiptare Luljeta Heshta.
Mësohet se bëhet fjalë për një 43-vjeçar, identiteti i të cilit nuk është zbuluar akoma.
Mbrëmjen e djeshme Heshta u vra me thikë, pasi ishte goditur 5 herë.
Ngjarja ndodhi në San Giuliano Milanese në periferi të Milanos.
Pas marrjes në pyetje të disa personave, policia italiane ka mbajtur në qeli 43-vjeçarin pasi dyshohet si autori i ngjarjes.
Si ndodhi ngjarja:
Luljeta Heshta është goditur 5 herë me thikë nga një person, i cili fillimisht e ka thirrur, ndërsa më pas e ka ndjekur nga mbrapa dhe e ka kapur, ku e ka tërhequr zvarrë dhe e ka qëlluar për vdekje.
Disa kalimtarë kanë qenë dëshmitarë të ngjarjes, ndërsa autori është larguar me shpejtësi nga vendngjarja.
Prej 10 vitesh Luljeta Heshta banonte në Itali dhe ishte mjaft e njohur në zonën ku ajo ushtronte prostitucionin.
