Protesta në të gjithë vendin janë organizuar nga maturantët gjatë ditës së sotme, përkatësisht në Tiranë, Durrës, Gjirokastër, Shkodër.
Këto organizime kanë ardhur si pasojë e pakënaqësisë së studentëve ndaj nivelit të provimit të matematikës që u mbajt ditën e djeshme në të gjitha rrethet e vendit.
Sipas fjalëve të tyre, maturantët në të gjithë vendin kanë përmendur edhe ‘rastin e sindit’ që sipas tyre ishte një ushtrim i pakuptimtë.
“Kësaj herë Turi është Sindi”- u shprehën ata, duke bërë një krahasim edhe me rastin e kaluar të provimit të letërsisë ku rasti i ‘Turit me Varkë’ u bë viral.
Kërkesa kryesore e maturantëve ishte që niveli për të marrë notën të ulej, pasi vështirësia kishte qenë shumë e madhe dhe ushtrimet e paraqitura në provim nuk i kishin bërë gjatë kurrikulës mësimore.