Një 80-vjeçar ka ndërruar jetë në Vlorë, pasi u dërgua në gjendje të rëndë rreth orës 15:45 në spitalin e këtij qyteti. Dyshohet se shtetasi me iniciale L. H., 80 vjeç ka tentuar të vetëvaret në banesën e tij, në fshatin Armen, në Vlorë.
Sipas policisë motivet që e kanë shtyrë 80-vjeçarin drejt këtij vendimi ekstrem ende nuk dihen. Ndërsa grupi hetimor po punon për zbardhjen e ngjarjes.
Njoftimi i policisë
Vlorë/Informacion paraprak
Rreth orës 15:45, në Spitalin Rajonal Vlorë, ka mbërritur në gjendje të rëndë dhe më pas ka ndërruar jetë shtetasi L. H., 80 vjeç, i cili dyshohet se ka tentuar të vetëvaret në banesën e tij në fshatin Armen, Vlorë, për motive ende të paqarta.
Grupi hetimor ndodhet në vendngjarje duke kryer veprimet e mëtejshme për sqarimin e rrethanave.
