Dhurata Selaj, e akuzuar nga autoritetet se në bashkëpunim me babanë e saj vrau bashkëshortin me të cilin ishte në proces divorci Kudret Saliaj, dy javë më parë u dënua me 1.4 vite burg për dhunë në familje.
Më konkretisht kjo shtetase u shpall fajtore nga gjykata për akuzën e dhunës në familje më 14 maj. Vendim të cilin nëpërmjet avokatit mbrojtës e apeloj më datë 20 maj. Ajo po gjykohej nën masën e arrestit të shtëpisë, ndërkohë që është akuzuar dhe nga mbesa e Kudret Saliajt, se i kishte nxjerrë në shitje virgjërinë në një faqe online. (Lexo edhe ketu lajmin)
Viktima kishte bërë kallëzim ndaj nënës së tre fëmijëve të tij, me pretendimin se gruaja i kishte kërcënuar me jetë nënën, si dhe dhunonte fëmijët. Gjithashtu në kallëzim thuhet se Dhurata ushtronte dhunë psikologjike edhe ndaj tij.
Akuzat dhe arrestimi i Dhurata Saliaj
Brenda familjes ka pasur akuza dhe kundërakuza, pretendime për tradhti bashkëshortore, mosmarrëveshje dhe deklarata për dhunë fizike dhe psikologjike.
Familja e bashkëshortit, konkretisht vjehrra e 32-vjeçares, mbesa e burrit të saj, madje edhe 2 fëmijët e saj, e akuzojnë Dhurata Saliajn për tradhti bashkëshortore.
Ata thonë se ka prova, ndërsa vetë Dhurata mohon çdo gjë të tillë dhe i konsideron sajesa e trillime.
Por konflikti brenda familjes u tensionua akoma më shumë. Ndaj Dhuratës u bë një denoncim në polici, ku akuzohej se kishte ushtruar dhunë fizike e psikologjike ndaj fëmijëve të saj dhe mbesës së burrit, si dhe të kishte kërcënuar vjehrrën.
Pas këtij kallëzimi, Dhurata Saliaj u arrestua më datë 3 Tetor. Pasi u arrestua, Dhurata doli përpara Gjykatës së Tiranës dhe trupa gjykuese vendosi masën e sigurisë arrest shtëpie.
Dhurata Saliaj, 32-vjecare jetonte në shtëpinë e prindërve të saj në fshatin Picar në periferi të kryeqytetit.
Akuza për shitjen e virgjërisë
Por pas arrestimit të Dhurata Saliajt në tetor të vitit 2020, mbesa e burrit të saj, 17-vjeçe, bëri dhe një tjetër denoncim, ku e akuzonte 32-vjeçaren se i kishte nxjerrë në Instagram në shitje virgjërinë.
17 vjeçarja e denoncoi nusen e xhaxhait në komisariatin numër katër të kryeqytetit pasi kishte zbuluar se gruaja fliste me shumë mburrje duke njoftuar meshkujt në Instagram për himenin e mbesës.
“Kam një mbesë të virgjër” shkruante gruaja duke reklamuar vajzën e vëllait të bashkëshortit.
Historia e shitjes së virgjërisë
Burimet për gazetën “Si” nga komisiariati 4 në Tiranë, aty ku po hetohet cështja thanë se gruaja me inicialet D.S. nuk po kryente një shkuesi, por dyshohet se ajo po tentonte ta trafikonte atë, pasi pas njoftimit të virgjërisë ajo shton ” duhen shumë para..”
Denoncimi është mbajtur shënim nga oficerë të policisë së Tiranës menjëherë sapo aty mbërriti 17 vjeçarja.
“Ajo njëherë më tha që kam një djalë për ty që është në Itali. Më pyeti a don të të lidh me të? Më pas gjeta në instagram se si u shkruante meshkujve të ndryshëm për virgjërinë time , persona që gjenden në Maqedoni, Shqipëri dhe Itali apo vende të tjera që nuk e di nga janë. Ajo ju thoshte duhen shumë lekë dhe ju përmendte shumën prej 500 euro” -dëshmon 17 vjeçarja që ka vendosur në dispozicion të policisë numrat e telefonit dhe mbi tavolinë edhe printime të matërialeve të kopjuara ku e afërmja i postonte fotografi nëse ishte apo jo e interesuar të njohte ndonjë djalë.
Adoleshentja dëshmon se në komunikime përvec fotografive të saj , e afërmja ka postuar edhe të dhënat e virgjërisë . Ky fakt e bëri të dyshojë se diçka po ndodhte.
17 vjeçarja tregonte ne denoncimin e saj:
“ D. më kërkoi t’i hap një adresë në instagram, ja hapa dhe pas disa muajsh nga kurioziteti hyra në llogarinë që ia kisha hapur vetë për të parë se me kë fliste gruaja e xhaxhait. aty pashë që dikujt i kishte nisur fotografinë time, dikujt i tregonte shkollën ku unë mësoj, dikujt i tregonte për virgjërinë”.
Po këto detaje adoleshentja nuk i ka treguar askujt deri ditën kur xhaxhesha e goditi me shpulla.
“Një ditë ajo i bërtiti gjyshes sime, unë e kam parë të puthet me një burrë në plazh, ndërkohë që pas kësaj në korrik ajo po më mbante me të mira e po më thoshte do të prezantoj me një cun të mirë”
Burimet thanë se adoleshentja kishte sjellë me screen shoot edhe bisedat nga instagrami , pasëordin e të cilit dyshohet se gruaja e ka ndryshuar dhe në të nuk ka më akses.
Në dëshminë e denoncueses radhiten edhe bisedat ku gruaja e xhaxhait i niste sipas saj numra telefoni të personave të ndryshëm të cilët 17 vjecarja nuk i telefononte.
U mësua se kjo cështje është ende nën hetim nga policia për lehtësim të rrethanave për trafikim të miturish, ndësa xhaxhesha ka rënë në prangat e policisë për akuzën e dhunës në familje në datën 3 tetor, pas rrahjes së të fëmijëve të saj.
Një usb dhe materialet e depozituara nga adoleshentja ku shumë meshkuj josheshin dhe bënin tregti me gruan për virgjërinë e fëmijës janë përcjellë për ekspertim.
