Revista e njohur “Playboy” ka marrë vendimin drastik për të ndërprerë përfundimisht marrëdhëniet me ish-yllin e filmave për të rritur dhe personalitetin e medias libanezo-amerikane Mia Khalifa.
Ky vendim erdhi pas postimeve të Khalifas në rrjete sociale e cila mbështeste sulmin e Hamasit kundrejt Izraelit.
“Ne po shkruajmë për t’ju njoftuar për vendimin tonë për të ndërprerë marrëdhënien e Playboy me Mia Khalifa, duke përfshirë fshirjen e kanalit Playboy të Mia-s në platformën tonë të krijuesit. Gjatë ditëve të fundit, Mia ka bërë komente të neveritshme duke festuar sulmet e Hamasit ndaj Izraelit dhe vrasjen e burrave, grave dhe fëmijëve të pafajshëm. Zero tolerancë për gjuhën e urrejtjes“, thuhej më tej.
“A mund t’u thotë dikush, ju lutem, luftëtarëve të lirisë në Palestinë të kthejnë telefonat e tyre dhe të filmojnë horizontalisht”, shkroi Khalifa në rrjete sociale teksa vendi ishte i përfshirë nga sulme masive.
“Unë thjesht dua të sigurohem se ka pamje 4k të njerëzve të mi që thyen muret e burgut të hapur në të cilin janë dëbuar me forcë nga shtëpitë e tyre dhe në mënyrë që të kemi opsione të mira për librat e historisë që shkruajnë se si u çliruan nga aparteidi”, shkroi ajo në përgjigje të kritikave.
Duket se një situatë e tillë, i ka kushtuar jo pak këtij personazhi të njohur ndërkombtarisht.
Mia Khalifa e lindur më 10 shkurt 1993, e njohur gjithashtu si Mia Callista, është një personalitet libanez-amerikan i mediave sociale, komentatore sportiv dhe modele. Ajo ishte edhe aktore pornografike që nga viti 2014 deri në 2015.
Lindur në Beirut, Liban, Khalifa u transferua në Shtetet e Bashkuara në 2001. Ajo filloi të aktrojë në pornografi në tetor 2014, dhe deri në dhjetor u rendit interpretuesja më e shikuar në faqen e internetit Pornhub. Zgjedhja e saj në karrierë u prit me polemika në Lindjen e Mesme, veçanërisht për një video në të cilën ajo kryente akte seksuale ndërsa kishte veshur hixhabin islam. Pas tre muajsh, Khalifa u largua nga industria pornografike për të ndjekur interesa të tjera.
