Mbi 300 të helmuar në Krujë, dalin dyshimet e para

Mbi 300 të helmuar në Krujë, dalin…

Nuk ka ende një sqarim zyrtar për helmimin masiv në Krujë. Kjo pasi përgjigjja e analizave të mostrave të ujit të marra nga Kujdesi Shëndetësor në Krujë dalin të mërkurën, ndërkohë që ato të marra nga Instituti i Shëndetit Publik vonojnë edhe dy ditë të tjera.

Por dyshime të forta ka në lidhje me intoksikimin e ujit të pijshëm me të cilin furnizohen banorët pasi shumë pranë depos së ujit ndodhet një stallë bagëtish, fekalet e të cilëve mund të kenë depërtuar në brendësi të depos.

Qytetarët e Krujës vijojnë të shfaqin problem shëndetësor si gastroenterite, të vjella e diarre.

Vetëm gjatë të martës janë paraqitur 30 pacientë, një pjesë e të cilëve fëmijë dhe adoleshentë.

Pacientët i vizitoi ministrja e Shëndetësisë, e cila tha se nëse do të jetë e nevojshëm edhe spitali i Durrësit do të vihet në dispozicion.

Përveç ujit është duke u hetuar edhe për disa mostra ushqimesh. Por dyshimet më të forta mbeten ato të intoksikimit të ujit të pijshëm.

Më Të Klikuarat

Lajmet e fundit