Ministrja e Arsimit Evis Kushi ka njoftuar se të gjitha shkollat në vendin tonë do të qëndrojnë të mbyllura për javën e ardhshme.
Ajo tha se mësimi do të zhvillohet online, ndërsa ky vendim vjen pas parashikimit të IGJEUM se vendi ynë do të përfshihet nga një mot i ftohtë me reshje të shumta shiu dhe dëbore.
“Sipas parashikimeve të IGJEUM, në vendin tonë pritet një rënie shumë e theksuar e temperaturave dhe rreshje të dendura dëbore në pjesën më të madhe të territorit.
Për këtë arsye, Ministria e Arsimit, Sportit dhe Rinisë vendosi të kalojë të gjitha institucionet tona të arsimit parauniversitar në skenarin e tretë të mësimit online për javën e ardhshme, nga data 15 deri në 19 shkurt 2021.
Në bashkëpunim me Drejtorinë e Përgjithshme të Arsimit Parauniversitar, si dhe të gjitha zyrat arsimore dhe drejtoritë rajonale në vend, po punojmë intensivisht për të marrë të gjitha masat e nevojshme që të garantojmë mbarëvajtjen e këtij procesi”, u shrpeh Kushi.
