Një çerdhe në zonën e ish-bllokut në Tiranë është mbyllur për shkak të Covid-19. Çerdhja nr.16 është mbyllur për shkak se një pjesë e stafit ka rezultuar pozitivë me koronavirus.
Nuk dihet ende nëse ka fëmijë të prekur në radhët e të infektuarve.
Përgjatë ditëve të fundit, shifrat e infeksioneve kanë ardhur në rritje, duke u shtuar nga dita në ditë.
Ato kanë kulmuar pikërisht sot, teksa ISHP konfirmoi 69 të prekur në një ditë, shifër e cila nuk ishte regjistruar as në kulmin e pandemisë.