Deputetja e Partisë Demokratike, Ina Zhupa, ka njoftuar se do të mbahet një protestë ditën e nesërmë përpara godinës së SPAK-ut.
Protesta është organizuar nga Aleanca për Mbrojtjen e Teatrit Kombëtar, ndërsa ka gjetur edhe mbështetjen e Partisë Demokratike.
Protesta do të mbahet nën moton “SPAK: Ndaje mendjen! Me mafien apo me qytetarët?!”,ndërsa njoftohet se do të nisë në orën 10:00.
Njoftimi:
“Nesër në ora 10:00,
Heshtja është bashkëfajësi.
Qytetarët kërkojnë drejtësi!” shkruan zhupa në rrjetet sociale.
Ndërkohë, kujtojmë se kjo protestë vjen 2 vjet e 9 muaj nga kallëzimi i parë për prishjen e Teatrit Kombëtar.
