Avokati Adriatik Lapaj në një shënim në mediat sociale ka treguar një ngjarje të pazakontë me një qytetar.
Lapaj zbulon se e ka ndaluar një burrë dhe e ka fyer vazhdimisht, ndërkohë që avokati tregon se e ka falenderuar pas të sharës dhe në ato momente ai ka heshtur pasi kërkonte debat.
Më tej avokati rrëfen i mbeti në mendje mënyra si ishte veshur, dhëmbët që i mungonin…sa shumë i vuajtur ishte!
“Më ndodh të takoj e përshëndetem rrugës me qytetarë që nuk i njoh. Më japin forcë për të thënë problematika që i mundojnë.
Sot më ndaloi një burrë i cili dukej i stërmunduar nga jeta. Më shau…se kuptova pse…thjeshtë më shau…dukej që më shikonte si armik të partisë!
I thashë faleminderit! Më shau prapë. I thashë sërish faleminderit! Më pa fortë dhe nuk po kuptonte si mund ti përgjigjesha në atë mënyrë. Priti reagim, priti ta shaja. Donte konflikt. U zhgënjye.
Ika, por më mbeti në mendje mënyra si ishte veshur, dhëmbët që i mungonin…sa shumë i vuajtur ishte! Më trishtoi ky fakt… Nuk isha fajtor për gjendjen e tij. Tjetër kush ishte dhe është. Nuk më demotivoi, përkundrazi më dha forcë. Edhe për atë duhet të luftojmë.”- tha Lapaj.