E rëndë ishte ngjarja në Fushë-Prezë, ku dy vëllezër vranë taksistin 71-vjeçar Abdulla Budlla, sepse ai i ngacmonte një të afërmen e tyre.
Sot është publikuar edhe automjeti që dy vëllezërit përdorën për të kryer krimin, raporton BalkanWeb.
Ata morrën një automjet tip Wolfsvagen me qira, me targa AA 171 DI, në biznesin e Greisian Çelës në aksin Fushë Kurjë-Vorë, një ditë para ngjarjes.
Ata ishin shprehur se makina u duhej për një dasmë.
Ndërkohë, në momentin e krimit targat ishin mbuluar me një letër dekorative ku shkruhej “me trashëgime çifti”.
Këqyrja e kamerave ka bërë të mundur edhe identifikimin e mjetit.
Pas kontrollit në biznesin e Greisian Çelës, aty u gjetën edhe armë zjarri e 60 gramë kokainë, që solli vënien në pranga edhe të tij.
Dje, dy vëllezërit Saimir e Arsil Shera pranuan para policisë se e kishin vrarë 71 vjeçarin Abdulla Budlla.
/Gazetaatdheu.com/
