Sa më shumë dergradon imazhi i kryeministrit mes shqiptarëve, aq më shumë poropogandistët e tij përpiqen ti veshin një aureolë ndërkombëtare. Kështu ka ndodhur edhe këtë radhë me një lajm të përhapur “copy paste” me titull, pikë e presje, nga zyra e shtypit të kryeministrit në të gjitha mediat pro qeveritare. Mesazhi i tij është bazik: “Edi Rama gjendet mes katër liderve më të ndjekur në të gjithë Europën në Facebook”.
Pra atë që dikur e thoshte gjysëm me ironi dhe gjysëm me zili, vëllai i tij armik, Aleksandar Vuçiç, se “Edi është një lider global” lakejtë e kryeministrit nuk po e marrin aspak me humor. Ata, para zgjedhjeve të 25 prillit po mundohen të vënë përsëri në punë një mekanizëm që Ramës i ka funksionuar për një kohë të gjatë: legjimitetin e humbur brenda vendit ta eksportojnë nga jashtë, përmes imazhit të njeriut që ka sukses në perëndim. Po të shihen titujt e mediave proqeveritare, të ngjashëm deri në motoni, ato japin të gjitha këtë mesazh.
