Kohët e fundit bota po përballet me një armik të padukshëm.
Covid-19, një virus i frikshëm, i cili të jep në fillim simptomat e një gripi të zakonshëm por më pas të shteron, na ka detyruar që të izolohemi në shtëpi.
Por edhe pse u duk sikur situata po mbahej nën kontroll rritja e numrit të të prekurve nga ky virus ditët e fundit, ka bërë që shumë vende t’i rikthehen izolimit.
Për këtë, Bashkimi Europian ka ndërmarrë shumë takime dhe u vendos që të hapë kufijtë me 14 vende.
Mali i Zi dhe Serbia janë cilësuar nga unioni si vendet më të sigurta, ndërkohë që Shqipërisë, Maqedonisë dhe Kosovës nuk do t’u lejohet të hyjnë në zonën Shengen.
BE, për lëvizjen e qytetarëve ka vendosur kushtin që vendi nga ata vijnë të mos ketë pasur më shumë se 13 raste për 100.000 banorë.
Ndërkohë Shqipëria ka pasur 30 raste.
Ky kusht u përcaktua deri më 31 gusht, por mësohet se, BE merr parasysh edhe masat mbrojtëse që vendet e Ballkanit Perëndimor po ndërmarrin.
Këtu përfshihen edhe disa kritere ekonomike dhe sociale, çka ka bërë që vendi ynë të përjashtohet nga lista.
Holanda, Gjermania dhe Danimarka, kanë deklaruar se, nuk do të hapin kufijtë me vendet që nuk janë në listë deri në muajin shtator.
Por përkundër vendimit, Greqia reagoi duke thënë se, qytetarët shqiptarë përbejnë një pjesë të konsiderushme të numrit të përgjithshëm të turistëve në vend.
Përfshirë këtu edhe hapjen e kufijve për punëtorët sezonalë dhe rezidentët.
Gazeta e njour në vend “Ekathimerini”, bëri me dije se, Greqia ishte kundër kësaj liste, dhe kërkoi që të lejohen turistët nga Shaipëria dhe Maqedonia.
Ndërkohë nga ana tjetër Brukseli ka insistuar që kufijtë të mos hapen më 1 korrik.
Për këtë vendi fqinj është ende i pavendosur se si do të veprojë me turistët shqiptarë.
Sipas porosive të BE, Greqia dhe vende të tjera mund të hapin kufijtë me Shqipërinë, por nuk duhet të lejojnë lëvizjen e qytetarëve në vendet e tjera.
Këto shtete janë ato që ende nuk kanë hequr kontrollet mjekësore në pikat kufitare.
Kështu do të na duhet që edhe për ca kohë të qëndrojmë të mbyllur. Ndërkohë Italia ka njoftuar se lejon lëvizjen e rezidentëve, por me numër të kufizuar.
Këtë muaj u nisën dy tragete me rezidentë, nga Durrësi në drejtim të Barit.
/Gazetaatdheu.com/
