Një 57 vjeçar i identifikuar si Ramazan Duka ka humbur jetën si pasojë e asfiksisë.
Burri jetonte me qera në rrugën “Xhanfize Keko”, në katin e pestë të një pallati, i cili u përfshi nga flakët në orët e para të mëngjesit të kësaj të shtune.
Sipas të dhënave nga policia zjarri ka rënë në pjesën e kuzhinës se apartamentit dhe më pas është përhapur nëpër shtëpi. Viktima është gjetur në dhomën e gjumit, i cili sipas policisë nuk është prekur nga zjarri.
Dyshohet se 57 vjecari ka ndërruar jetë si pasojë e asfiksimit nga tymi që është përhapur në banesë.
Viktima kishte një fëmijë dhe i martuar, por ka qenë i vetëm në shtëpi, në momentin që ndodhi ngjarja.
