Një mesazh i veçantë është shfaqur jashtë qendrës stërvitore të Real Madridit, Valdebebas, ku tifozët kanë zgjedhur t’i tregojnë mbështetjen e tyre Kylian Mbappé.
Në një pankartë të vendosur pranë qendrës stërvitore, tifozët kanë shkruar një mesazh emocional për yllin francez, duke iu referuar ëndrrës së tij të fëmijërisë për të luajtur me fanellën e Real Madridit.
“Kishe një ëndërr që fëmijë, ajo u bë realitet dhe u përmbush. Je këtu dhe je më i miri në botë. Ëndrrat bëhen realitet.”
Mesazhi vjen si një përshëndetje për Mbappén, i cili prej kohësh e kishte bërë të qartë dëshirën për të veshur fanellën e klubit madrilen. Tashmë, ëndrra e tij është realitet dhe francezi po shkruan historinë e tij në Santiago Bernabéu.
Tifozët madrilenë duket se duan t’i kujtojnë sulmuesit se ai nuk është vetëm një yll i madh i futbollit, por edhe një lojtar që më në fund arriti të realizojë ëndrrën që kishte që në fëmijëri.
Një pankartë, pak fjalë, por një mesazh që përmbledh gjithçka: ëndrrat, kur nuk heq dorë prej tyre, mund të bëhen realitet.
