Yuri Kim ka bërë një deklaratë të papritur lidhur me ecurinë e Reformës në Drejtësi në Shqipëri dhe ka lënë të kuptohet se dyshon për një marrëveshje të fshehtë për të vrarë këtë reformë, teksa thotë se shpreson që kjo të jetë e pavërtetë.
“Shpresoj që fjalët për një marrëveshje prapa krahëve për të vrarë reformën në drejtësi në Shqipëri të mos jenë të vërteta”, deklaroi ambasadorja e SHBA-ve, Yuri Kim.
Në një postim në Twitter, ambasadorja Kim pohoi se reforma nuk është perfekte por ajo është e domosdoshme.
“Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë.” /Shekulli
