Mësohet edhe identiteti i viktimës 71-vjeçare në Fushë-Prezë.
Bëhet me dije se shtetasi Abdulla Budlla, nga fshati Ahmetaq në Prezë, ka mbetur i vdekur teksa është qëlluar nga një makinë në lëvizje.
Trupi i tij i pajetë, është gjetur pranë makinës së tij.
NJOFTIMI I PLOTË:
Tiranë/Informacion paraprak
Me datë 03.08.2020, rreth orës 16:45, në Fushë-Prezë, në kryqëzim me rrugën e Rinasit, në rrethana ende të paqarta dyshohet se është vrarë me armë zjarri shtetasi A. B. 71 vjeç, banues në fshatin Ahmetaq, Njësia administrative Prezë.
Shërbimet e Policisë me marrjen e njoftimit kanë shkuar menjëherë në vendngjarje , ku kanë bërë rrethimin e zonës, janë ngritur pika kontrolli në aksin rrugor Rinas -Fushë-Krujë, Rinas-Vorë -Tiranë.
Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve. Nën drejtimin e Prokurorisë vijon puna për zbardhjen e plotë të rrethanave të ngjarjes.
/Gazetaatdheu.com/
