Kryetari i Partisë së Lirisë, Ilir Meta gjatë një konference për mediat ka folur mbi pluralizmin në vend. Meta paralamëroi kryeministrin Edi Rama dhe ish-kryedemokratin, Lulzim Basha.
Kreu i PL tha se nëse ata do duan të ekzekutojnë pluralizmin politik, do kenë fatin e Musolinit dhe Klaretës.
Ai tha se Parlamenti i Tiranës i ka gati komisione hetimore. Meta shtoi se një komision është korrupsioni në Bashkinë e Tiranës sa i përket autoritetit të dosjeve.
“Të gjitha ata që besojnë se do të mund të ekzekutojnë pluralizmin, do kenë fatin e Musolinit dhe Klaretës. Ju e dini kush është Klareta e politikës shqiptare? Është ai i 17 majit.
Sa i përket dosjeve, ju e dini shumë që ajo çështje është e mbyllur. Parlamenti i Tiranës sa të mblidhet i ka gati komisione hetimore. Dhe një komision është korrupsioni në Bashkinë e Tiranës sa i përket autoritetit të dosjeve”, theksoi ai.
