Minatori Muharrem Plaku prej 4 ditësh ndodhet nën minierë, teksa situata është përkeqësuar. Ditën e dielë ka ndodhur një tjetër shembje në thellësinë 450 metër në minierë.
Puna për gjetjen e trupit të Muharrem Plakut është zhvilluar pa ndërprerje që prej orës 9 të paradites së të mërkurës, ndërsa shpresat për ta gjetur atë gjallë janë drejt shuarjes së plotë.
Familjarë të minatorit vijojnë të presin pranë derës së galerisë me shpresën e gjetjes së të afërmit të tyre.