Guru-ja i makinave elektrike, Elon Musk, sapo ka nxjerrë dy modelet e fundit të markës Tesla, që konsiston në dy automjetet Model S dhe Model X.
Që kur u prezantuan në fillim të këtij viti, u vu re që ato kishin timonë komplet të ndryshëm nga ato që jemi mësuar në përditshmëri. Në fakt u ngjan timonëve të avionit.
Po ashtu krahasohet me makinat e Formula 1 apo dhe anijeve kozmike. Ka një formë drejtëkëndore me këndë të rrumbullakosura. Ky timon është bërë në atë mënyrë që shoferët të kenë pamjen më të gjerë të mundshme.
Nga ana tjetër, ka nga ata që e kanë kritikuar timonin e ri që do të nisë një revolucion të ri në automjetet e krijuar nga Elon Musk.
Edhe pse të shumtë ishin ata që një zgjedhje të tillë e shihnin si shumë të largët, Musk ua bëri realitet shumë shpejt.
