Njerëzit që marrin kokainë bëjnë mirë të jenë të vëmendshëm! Mjekët në Mbretërinë e Bashkuar po paralajmërojnë adhuruesit e kokainës, që ta lënë atë përndryshe mund të përfundojnë duke nxjerrë totalisht jashtë funksionit hundën e tyre. Specialisti kirurg rindërtues i hundës në Spitalin Universitar Monklands Nicholas Calder ka thënë se numri i pacientëve që po trajtojnë po rritet nga viti në vit.
Kirurgu i veshëve, hundës dhe fytit, Natarajan Balaji, i cili është gjithashtu president i Shoqatës Britanike të Kirurgjisë Plastike të Fytyrës, zbuloi se kokaina shpesh bashkohet me disa substanca mjaft të neveritshme që mund të mos i dëshironit të ngrihen në hundë.
“Kokaina bashkohet me përbërës të tjerë, duke përfshirë Levamisole, i cili përdoret në tabletat për heqjen e krimbave për qentë dhe macet, dhe Phenacetin, një ilaç analgjezik dhe reduktues i temperaturës që përdoret në mjekësinë veterinare. Kokaina ka gjithashtu lloje të caktuara të acideve të përziera me përbërësit. Kur thithet, kokaina bën që enët e gjakut të tkurren shumë fort dhe septumi i hundës është shumë i ndjeshëm ndaj uljes së rrjedhjes së gjakut”, tha Balaji.
Një pacient i quajtur Fraser, tha se për pak humbi të gjithë hundën falë disa netëve të shumta në Charlie. Por, falë Dr Balajit, fytyra e tij është shpëtuar. “Kur më thanë se do të humbas hundën time dhe më pas më thuhet se do të jenë në gjendje ta rindërtojnë atë ishte e pabesueshme. Unë jam jashtëzakonisht me fat dhe kam ndryshuar jetën time, por historia ime mund të kishte qenë shumë ndryshe”, tha ai.
