Ministria e Shëndetësisë dhe Mbrojtjes Sociale është munduar që të justifikojë humbjen e jetës të mjekut pneumolog nga Tropoja, që sot ndërroi jetë në spitalin COVID-2.
Sipas MSH-së, me hidhërim të thellë konfirmohet humbja e jetës së mjekut Anibal Byberi në spitalin “Shefqet Ndroqi”, si pasojë e Covid-19.
Sipas MSH, mjeku pneumolog 53-vjeçar, me origjinë nga Tropoja, është konfirmuar pozitiv me virusin e rrezikshëm pak ditë më parë dhe vijonte trajtimin në banesë.
Pas rëndimit të gjendjes shëndetësore, mjeku Byberi është paraqitur në Urgjencën e Spitalit Universitar “Shefqet Ndroqi”.
Pavarësisht ndihmës së menjëhershme të ofruar nga stafi mjekësor, fatkeqësisht nuk ka mundur të mbijetojë, si pasojë e insuficensës së rëndë respiratore.
Po kështu, MSH deklaron se, mjeku Anibal Byberi, vuante nga psoriasis, një sëmundje lëkure dhe obeziteti.
Pas shumë vitesh punë në vendlindjen e tij, Buberi ka punuar për disa kohë si mjek në burgun 302.
Mjeku kohët e fundit nuk ishte në punë, ndërsa këto ditë do të konkurronte në portalin “Mjekë për Shqipërinë”.
/Gazetaatdheu.com/
