Një tjetër rast shqetësues është konstatuar në Kopshtin Zoologjik të Tiranës, ku minjtë duket se lëvizin lirshëm brenda kafazit të tigrit dhe i marrin ushqimin.
Në pamjet e siguruara nga JOQ ALBANIA, minjtë shihen duke lëvizur brenda hapësirës ku mbahet tigri, ndërsa afrohen te ushqimi dhe e marrin atë.
Pamjet ngrenë shqetësime mbi kushtet në të cilat po mbahen kafshët dhe mënyrën se si po menaxhohet ushqimi i tyre.
Sipas vizitorëve, gjendja e kafshëve në Kopshtin Zoologjik është e rënduar pasi ato përballen me kushte atmosferike dhe nuk ushqehen në mënyrën e duhur.
Vizitorët kërkojnë më shumë kujdes dhe furnizim të rregullt me ushqim e ujë për kafshët, duke theksuar se mirëqenia e tyre kërkon kujdes të vazhdueshëm, ambiente të përshtatshme dhe kontrolle të rregullta veterinare.
Pamjet e fundit nga Kopshti Zoologjik ngrenë pikëpyetje serioze mbi mënyrën se si po menaxhohen nevojat e kafshëve dhe mbi kushtet në të cilat ato po mbahen.
