Pamjet e frikshme, që tregojnë balenat vrasëse duke gjuajtur peshkaqenë të mëdhenj të bardhë në Afrikën e Jugut kanë lënë shikuesit të habitur.
Një ekip shkencëtarësh përdori një helikopter dhe një dron për të kapur pamjet e para ajrore të orkave, që gjuanin dhe vrisnin peshkaqenë të mëdhenj të bardhë.
Më 16 maj 2022, një skenë vrasjeje një orëshe nga një grup balenash u kap nga lart në Gjirin e Mosselit. Ndërsa biologët detarë e kanë ditur prej kohësh se balenat vrasëse mund të sulmojnë peshkaqenët e bardhë të mëdhenj, ajo kurrë nuk ishte kapur në kamera si kjo më parë.
Pamjet u dorëzuan si pjesë e një punimi të botuar në revistën Ecology Ecological Society of America në tetor, duke ofruar një pasqyrë të re në përplasjet midis dy grabitqarëve kryesorë detarë./ Ladbible
