Sekretari i Përgjithshëm i PD-së, Gazment Bardhi ka ironizuar Edi Ramën dhe deklaratën e tij se qeveria ka arritur suksese pasi ka marrë 650 milionë euro borxhe.
Sipas Bardhit, Rama me 200 milionë euro do lajë borxhin e vitit 2015 dhe pjesën tjetër do ua kalojë oligarkëve.
‘Vëmendje! ‘Sukses’ i jashtëzakonshëm: Qeveria ka marrë 650 milionë euro borxh! Vëmendje! 200 milionë euro Qeveria do t’i përdorë për të shlyer borxhin e vitit 2015!
Vëmendje! 450 milionë euro Qeveria do t’i përdorë për t’i ndarë me 5 oligarkë në projekte PPP.
Kryeministër i dështuar, me Qeveri të falimentuar, që vazhdon të mendojë vetëm për 5 njerëz dhe ka braktisur 3 milionë shqiptarë’, shkruan Gazment Bardhi në faqen e tij në Facebook.
