Mbrëmjen e sotme pesë planetë do të rreshtohen poshtë hënës një ngjarje që konsiderohet si parada planetare. Qytetarët që do të kthejnë sytë nga qielli do të jenë në gjendje të shohin paradën, që do të përfshijë Mërkurin, Venusin, Marsin, Jupiterin dhe Uranin, menjëherë pas perëndimit të diellit.
Pjesa më e madhe e paradës do të bëhet e dukshme të Premten dhe do të vazhdojë të qëndrojë e tillë gjatë dy javëve të ardhshme, sipas Cameron Hummels, një astrofizikan kompjuterik në Institutin e Teknologjisë në Kaliforni.
Parada të tilla si kjo shfaqen çdo disa vjet apo më shumë dhe shumë prej tyre janë të dukshme me sy të lirë, madje edhe në zonat urbane me ndotje të konsiderueshme nga drita.
Planeti më i lehtë për t’u parë do të jetë Venusi, i referuar shpesh si “ylli i mbrëmjes”, sepse është objekti më i ndritshëm në qiellin e natës, përveç hënës. Urani do të shfaqet afër Venusit, megjithëse mund të jetë e vështirë të dallosh planetin e largët pa dylbi ose teleskop, përveç nëse shikoni nga një vend kryesor pa ndotje nga drita.
Nën Venusin dhe Uranin do të jenë Jupiteri dhe Mërkuri, të cilët do të rrinë pezull pak mbi horizont. Mërkuri gjithashtu mund të jetë i vështirë për t’u kapur pa pajisje speciale, pasi shkëlqimi i diellit mund të fshijë planetin. Por për vëzhguesit e kujdesshëm, të dy planetët do të jenë të dukshëm për rreth 20 deri në 30 minuta pas perëndimit të diellit.
Në krye të paradës planetare do të jetë Marsi, i ulur në një vijë të drejtë nga Jupiteri, Mërkuri, Venusi, Urani dhe Hëna. Është e lehtë të dallosh për shkak të nuancës së saj portokalli.
