Presidenti rus Vladimir Putin mohoi urdhërimin e një goditje ndaj rivalit politik Alexei Navalny , por në një intervistë ekskluzive për NBC News ai nuk garantoi që kritiku i Kremlinit, i cili mbijetoi duke u helmuar me një agjent nervor, do të dilte i gjallë nga burgu.
“Shikoni, vendime të tilla në këtë vend nuk merren nga presidenti”, tha Putin shkurtimisht. Ky ishte një nga disa momentet goditëse në intervistën e parë të Putinit pas tre vitesh për një agjensi lajmesh amerikane, të cilën e zhvilloi një ditë përpara takimit të tij me Presidentin Joe Biden në Gjenevë.
“Ai nuk do të trajtohet më keq se askush tjetër”, tha më tej presidenti rus sa i takon rastit të Navalnyt.
Putini foli për gati një orë e gjysmë ndërsa Biden u takua me udhëheqësit e Grupit të Shtatë kombeve të industrializuara, nga të cilat Rusia u pezullua në 2014 pasi aneksoi gadishullin Ukrainas të Krimesë.
Marrëdhëniet midis SHBA. dhe Rusisë janë në gjendjen më të keqe të dekadave, të dobëta nga një varg sulmesh kibernetike të lidhura me Moskën, si dhe nga një listë e gjatë ankesash të vjetra – kryesorja midis tyre është ndërhyrja e Rusisë në zgjedhjet e SHBA 2016 dhe 2020. Të dielën, Biden tha se ishte dakord me vlerësimin e Putinit se marrëdhëniet SHBA-Rusi kishin arritur një pikë të ulët.
Putini tha se pretendimet e SHBA.-së se hakerat rusë ose vetë qeveria ishin prapa sulmeve kibernetike në SHBA. ishin “farsë”, dhe ai sfidoi NBC News, duke nënkuptuar kështu dhe qeverinë e SH.B.A.-së, për të prodhuar prova se rusët ishin të përfshirë.
“Ne jemi akuzuar për të gjitha llojet e gjërave”, tha ai. “Ndërhyrjet në zgjedhje, sulmet kibernetike e kështu me radhë. Dhe ata asnjëhere nuk mundën të gjejnë ndonjë lloj prove. Thjesht akuza të pabazuara.”
Kohët e fundit në prill, Biden renditi në listën e zezë gjashtë kompani teknologjike ruse që ofrojnë mbështetje për programin kibernetik të drejtuar nga shërbimet e inteligjencës së Putin, së bashku me dhjetëra subjekte dhe individë të tjerë rusë për “kryerjen e përpjekjeve të drejtuara nga qeveria ruse për të ndikuar në zgjedhjet presidenciale të vitit 2020 të SHBA , dhe akte të tjera të dezinformimit dhe ndërhyrjes “.
Putini përsëriti gjithashtu thirrjen për SHBA-të dhe Rusinë për të bashkuar forcat për të luftuar krimin kibernetik, duke thënë, “është shpresa jonë e madhe që ne do të jemi në gjendje të krijojmë këtë proces me partnerët tanë të SH.B.A.”
Ai propozoi një reboot kibernetike me Uashington vitin e kaluar kur Donald Trump ishte ende president, por disa në SHBA. i hodhën poshtë përpjekjet e tij si të paqëndrueshme.
Gjatë gjithë intervistës, Putini u mbështet në strategjinë e testuar me kohë të Kremlinit për të devijuar kritikën duke treguar dështimet e Amerikës, duke sugjeruar që kritika nga Perëndimi ishte hipokrite sepse çdo vend, përfshirë Rusinë dhe SHBA., vepron në interesin e tij personal.
I pyetur në lidhje me kritikat e Biden, që Rusia i kishte shtuar paqëndrueshmëritë globale, ai akuzoi SHBA për të njëjtën gjë në Libi, Afganistan dhe Siri. “Rusët nuk po godasin mospajtimin e brendshëm”, tha ai, më shumë sesa po bëjnë Shtetet e Bashkuara me ligjet e tyre kundër agjentëve të huaj.
Ai madje vuri në dukje arrestimet e qindra të dyshuarve në trazirat e Kapitolit të SH.B.A.-së dhe vdekjen e një protestuesi si provë se SH.B.A. synon që të bllokojë mendimet politike të qytetarëve të saj.
“Ne kemi një thënie: Mos u zemëro pasqyrë nëse je i shëmtuar “, tha Putin. “Nuk ka asnjë lidhje me ju personalisht. Por nëse dikush na fajëson për diçka, ajo që unë them është, pse nuk e shikoni veten tuaj? Ju duhet të shihni veten në pasqyrë, jo ne.”
“Ne nuk kemi këtë lloj zakoni, për të vrarë askënd”, tha Putin kur u pyet nëse ai urdhëroi që Navalny të vritej.
Megjithatë, vëzhguesit e Kremlinit thonë se shërbimet e sigurisë së Rusisë kanë vepruar pa u ndëshkuar si brenda ashtu edhe jashtë vendit.
Biden ka thënë se Kremlini është kërcënimi më i madh për sigurinë dhe aleancat e Amerikës. Ai e ka bërë të qartë se ai sheh në udhëtimin e tij të parë si president një shans për të mbledhur aleatët rreth kauzës së demokracisë liberale kundër kërcënimit autoritar të Rusisë dhe Kinës.
Më shumë se një herë, Biden ka treguar se si ai i tha Putin në fytyrë se nuk “kishte shpirt ” gjatë një vizite në Kremlin në 2011 kur ishte nënkryetar.
“Unë nuk e mbaj mend këtë pjesë të veçantë të bisedave tona,” tha Putini kur u pyet për karakterizimin.
I pyetur se çfarë mendonte për Biden, Putin tha se ai ishte një profesionist dhe sugjeroi që ai të mund të punonte me të.
“Ai e ka kaluar praktikisht tërë moshën e tij të rritur në politikë,” tha ai.
Putini kishte fjalë të ngrohta për Trumpin , i cili u akuzua shumë për bashkëpunim me të. Pas samitit të tyre në korrik 2018 në Helsinki, Trump nisi përplasjet kur ai refuzoi të merrte anën e agjencive të inteligjencës amerikane lidhur me mohimet e Putinit për ndërhyrjen ruse në zgjedhjet 2016.
“Z. Trump është një individ i jashtëzakonshëm, individ i talentuar. Përndryshe ai nuk do të ishte bërë president i SHBA,” tha Putin. “Ai është një individ shumëngjyrësh”.
Por ai gjithashtu theksoi nevojën për “parashikueshmëri dhe stabilitet” në marrëdhëniet e Rusisë me SH.B.A., duke shtuar, “Kjo është diçka që nuk e kemi parë në vitet e fundit.”
Intervista e gjërë filloi me Putinin duke mohuar prerazi një raport të Washington Post se Rusia po përgatitej t’i ofronte Iranit një sistem të përparuar satelitor që do t’i mundësonte Teheranit të gjurmonte objektivat ushtarakë, përfshirë trupat e mbetura amerikane në Irak.
“Është thjesht një lajm i rremë,” tha ai. “Të paktën, unë nuk di asgjë për këtë lloj gjëje. Ata që flasin për të ndoshta dinë më shumë për të. Është thjesht marrëzi, mbeturina.”
Më vonë, Putini hodhi poshtë akuzat e hedhura në Rusi, mes tyre se ajo ka ndërhyrë në zgjedhjet e SHBA dhe ka kryer sulme kibernetike .
“Unë jam i befasuar që ne nuk jemi akuzuar ende për provokimin e lëvizjes Black Lives Matter”, tha ai.
I pyetur se çfarë mendonte ai për lëvizjen Black Lives Matter, Putini tha, “Ka disa arsye për të.”
“Ne gjithmonë e kemi trajtuar me mirëkuptim luftën e Afrikano-Amerikanëve për të drejtat e tyre”, tha Putini, i cili shtoi se nuk mund të miratojë ndonjë sjellje “ekstreme” nga ana e lëvizjes.
Putini shpesh akuzohet për mbytje të mospajtimit në Rusi duke i quajtur kundërshtarët seriozë politikë dhe partitë anti-Kremlin si “ekstremiste ” dhe duke përdorur gjykatat miqësore me qeverinë për të burgosur rivalët si Navalny për korrupsion të trilluar dhe akuza të tjera.
“Ju po e paraqisni atë si mospajtim dhe intolerancë, ne e shohim atë krejt ndryshe”, u shpreh Putin.
Intervista me Putin u ndal dhe në sulmin e 6 janarit ndaj Kongresit nga një turmë pro-Trump e vendosur për të ndaluar numërimin e votave elektorale në fitoren e Biden në zgjedhjet e vitit 2020. Putini sugjeroi që rreth 500 të dyshuarit për trazirat që janë arrestuar do t’i nënshtrohen një “persekutimi për mendime politike”.
“A keni urdhëruar vrasjen e gruas që hyri në Kongres dhe që u qëllua dhe u vra nga një polic?” tha ai, duke iu referuar Ashli Babbitt , një prej protestuesve e cila humni jetën.
“A e dini se 450 individë u arrestuan pasi hynë në Kongres? Dhe ata nuk shkuan atje për të vjedhur një kompjuter portativ. Ata erdhën me kërkesa politike”, u shpreh më tej ai.
Fati i dy amerikanëve të burgosur në Rusi, ish Marine Trevor Reed dhe ekzekutivi i korporatës në Michigan Paul Whelan , do të jetë në rendin e ditës kur Biden dhe Putin të takohen të mërkurën, tha Sekretari i Shtetit Antony Blinken gjatë fundjavës. Putini gjithashtu sugjeroi që ai ishte i hapur për një shkëmbim të mundshëm të të burgosurve.
I pyetur në lidhje me të burgosurit, Putini tha se Reed ishte një “ngatërrestar” dhe një “i dehur” i cili “u ballafaqua me të dhe filloi një luftë”. Reed po vuan një dënim nëntë vjet për goditjen e një oficeri policie rus në 2019, akuzë që ambasadori amerikan në Rusi e ka quajtur “të butë “.
Whelan, i cili gjithashtu shërbeu dikur në marinë, u dënua vitin e kaluar për spiunim – një akuzë që ai e mohon – dhe u dënua me 16 vjet burg .
Duke kaluar në Bjellorusi, Putini këmbënguli se ai nuk kishte njohuri paraprake që presidenti i vendit Alexander Lukashenko, do të kapte një gazetar të opozitës duke përdorur një hile për të detyruar avionin e tij të bënte një ulje emergjente në kryeqytetin, Minsk.
Ai gjithashtu mohoi që Rusia po planifikonte t’i jepte fund bashkëpunimit me SHBA në hapësirë, një nga fushat e tyre të fundit të interesit të përbashkët, pavarësisht kërcënimeve nga shefi i tij i agjencisë hapësinore për t’u tërhequr nga projekti i Stacionit Hapësinor Ndërkombëtar .
“Unë mendoj se ju u keqkuptuat”, tha Putin. “Ne jemi të interesuar të vazhdojmë punën me SH.B.A. në këtë drejtim dhe do të vazhdojmë ta bëjmë nëse partnerët tanë SH.B.A. nuk e refuzojnë ta bëjnë atë.”
Dhe kur ai u pyet për lëvizjet e fundit të trupave ruse pranë kufirit ukrainas që kanë ngjallur frikën e një pushtimi, Putini tha se Rusia po kryente stërvitje ushtarake në territorin e saj.
Ai tha që NATO rregullisht zhvillon stërvitje ushtarake pranë kufirit rus dhe iu referua stërvitjeve ushtarake amerikane në Alaskë, të cilat ai tha se ishin afër territorit rus
