![Motra e 18-vjeçarit të vrarë në Podujevë:…](https://tvanews.com/wp-content/uploads/2024/01/edsg-600x365.jpg)
Në Podujevë një 18 vjeçar ka ndërruar jetë pasi u dhunua brutalisht nga disa persona e më pas u përplas me makinë. I riu është identifikuar si Lulzim Fejzullahu dhe ndërroi jetë më 20 janar pasi u dhunua disa ditë më parë.
Për rastin në fjalë, më 14 janar, policia arrestoi 2 persona të cilët janë dërguar në burg në vijimësi të procesit hetimor. Autorët e ngjarjes janë dy të rinj, fëmijë biznesmenësh, Eltion Kadriu 16 vjeç dhe Artiol Abdullahu 17 vjeç. Shkak i dhunës ndaj 18-vjeçarit jetim, Lulzim Fejzullahu, ka qenë radha për t’u qethur në një berberhane të qytetit.
Ndërkohë lidhur me ngjarjen, ka folur edhe motra e Fejzullahut e cila shprehu dhimbjen për vdekjen e të vëllait. “Ju kalltë zemra si neve qysh po na kallet, Allah dënoj, kurrë dritë me sy mos pafshin”, ka thënë ajo.