Vdekja e 32-vjeçarit Lear Kurtit mbetet ende mister. Motra nga babai, Silvi ka folur rreth marrëdhënies së tyre. Ajo është shprehur se Leari nuk ka qenë përdorues i lëndëve nartotike.
Më tej, ajo tha se i riu kishte planifikuar të shkonte në Francë. Sipas saj, dikush i kishte ofruar punë në ndërtim.
Nga ana tjetër prokuroria ka përfunduar marrjen në pyetje të mjekëve që ishin në shërbim në momentin që Leari u trasportua në spital. Ata kanë deklaruar se i riu mbërriti pa shenja jete në spital.
Intervista e motrës së Learit.
Çfarë ndodhi me babain tuaj?
Nuk e di. Familja ime më ka thënë që babi jot ka vdekur. Unë e kam lexuar në një gazetë që e kishte vrarë dikush. Nuk mund t’u them shumë gjëra për babin.
Ke folur me Learin për vdekjen e babait?
Po, por as ai nuk e dinte.
Çfarë të thanë shokët e Learit?
Më thanë që Leari ka humbur jetën.
Kur flisnit gjatë, çfarë shqetësimesh kishte Leari? Punonte?
Leari ishte shumë i zgjuar, lexonte shumë libra. Kishte gjetur një punë në Francë dhe do vinte në Francë.
Keni dijeni që kishte një problem ligjor?
Jo nuk kemi folur. Më tha që i kishte ofruar dikush punë në ndërtim jashtë Shqipërisë.
Ka qenë përdorues i lëndëve narkotike?
Unë nuk jetoja me Learin, e shihja vetëm në kamera. Nuk e kam parë kurrë në ndonjë gjendje të keqe siç janë njerëzit që marrin narkotikë.
Sa kohë ka që ka ndërruar jetë babai juaj?
Unë isha 16 vjeç, tani jam 27.
