Dy emigrantë ilegalë shqiptarë janë dënuar nga një gjykatë në Skoci për përdhunimin e një 29 vjeçareje.
Sipas medias skoceze, shqiptarët janë Griselt Maranaku, 33 vjec dhe Elton Baga, 32 vjec. Ky i fundit njihej edhe me një tjetër emër Leo Baga.
Të rinjtë e përdhunuan vajzën e re më 9 Janar të 2019. Sipas mediave, “Glasgow Times”, Maranaku tha në gjyq se marrëdhënia seksuale kishte ndodhur me dëshirën e 29 vjeçares.
Ndërsa Elton Baga, duke u mbrojtur tha në gjyq se e reja i kishte ftuar vetë për seks tresh. Të dy ata i mohuan akuzat, por gjykata i shpalli fajtor dhe tha se dënimi do jepet gjatë këtij muaji.
Gjykata vuri në dukje se viktima dhe një shoqe e saj po pinin në një pijetore kur takuan dy të akuzuarit. Viktima mendoi se ajo njihte njërin nga burrat sepse ai ngjante me një të njohur që punonte në një dyqan në Glasgow. Gratë biseduan me të akuzuarin dhe më pas shoqja e viktimës i ftoi ata në shtëpinë e saj. Në një moment viktima shkoi në dhomën e gjumit të saj dhe të dy burrat e ndoqën dhe e dhunuan. Shoku i saj, i cili ishte akoma në banesë, thirri policinë dhe ata mbërritën për të gjetur 29-vjeçarin, i cili ishte shqetësuar në rrugë. Maranaku ishte akoma në banesë.
