Një studim I fundit, sipas ‘Corriere Della Sera’, tregon se vaksinimi kundër gripit sezonal përpara periudhës vjeshtë-dimrit mund të ndihmojë kundër Covid 19. “Kjo nuk kryhet vetëm për të bërë dallimin midis dy infeksioneve, por edhe sepse vëzhgimet po tregojnë se viruset e gripit lehtësojnë hyrjen e koronavirusit në mushkëri”, thotë studimi i publikuar nga revista prestigjoze Lancet, e i realizuar nga Universiteti i Hong Kongut.
Shkencëtarët infektuan disa inde njerëzore in vitro me viruset SARS dhe MERS dhe panë një “ rëndim të receptorëve ACE2 në qelizat epiteliale”. Normalisht, nivele të larta të ACE2 në rrugët e frymëmarrjes mund të lehtësojnë hyrjen e virusit dhe zhvillimin e infeksionit.
Me pak fjalë, koronavirusi arrin të depërtojë në qelizën e njeriut përmes proteinës së tij kyçe S e cila vepron si një “çelës”, sepse është në gjendje të depërtojë në një proteinë tjetër të pranishme në qelizat tona, e quajtur receptori ACE2, e që është përdorur dhe virusi i mëparshëm SARS.
Vaksina kundër gripit, sipas epidemiologot Paolo Bonanni, mund të ndihmojë e para sepse të kesh dy infeksione virale që qarkullojnë njëkohësisht është një problem, pasi personi tashmë mund të dobësohet nga virusi i gripit kur infektohet me SARS-CoV2; dhe e dyta sepse gripi sezonal rrezikon t`ia hapë derën më lehtë Covid 19-tës.
Antitrupat që përfitohen nga kjo vaksinë nuk e ndalojnë plotësisht virusin e ri, por ekspertët mendojnë se ajo mund ta dobësojnë atë , duke e reduktuar egërsinë e infeksionit.
