Naftëtarët e uzinës së Ballshit janë ngritur sërish në protestë, ndërsa kanë paralajmëruar një tjetër grevë urie. Në kauzën e tyre, ata kërkojnë ndaljen e punimeve për demontimin e rafinerisë deri në marrjen e pagave të prapambetura që kanë. Apeli ndaj qeverisë për të marrë masa për të zgjidhur problemin vijon, teksa kryetari i Sindikatës, Sokol Dautaj lexoi shkresën e përmbarimit që ndalon çdolloj veprimi brenda në Uzinë, sa kohë që ish-shoqëria ARMO nuk iu ka kthyer naftëtarëve detyrimet e prapambetura.
