Nata në Prishtinë kaloi ndryshe. Pas mesnatës, sheshi “Skënderbeu” nuk u boshatis, ndërsa qytetarë të ardhur nga qytete të ndryshme të Kosovës u mblodhën rreth zjarrit për të pritur mëngjesin e vendimit të Hagës për Hashim Thaçin, Kadri Veselin, Jakup Krasniqin dhe Rexhep Selimin.
Nën tingujt e kitarës dhe çiftelisë, të pranishmit kënduan këngë patriotike dhe ato kushtuar ish-drejtuesve të UÇK-së. Në kor u dëgjua edhe kënga “T’fala Parisit e t’fala Brukselit, jem ushtar të Hashim Thaçit…”, ndërsa në shesh u shpalosën flamuj të UÇK-së.
Kafeja e ngrohtë dhe bisedat shoqëruan qytetarët gjatë gjithë natës. Disa qëndruan pranë zjarrit, ndërsa të tjerë në këmbë për orë të tëra, duke pritur të njëjtin moment: orën 10:00, kur nga Haga pritej të lexohej vendimi për katër ish-drejtuesit e UÇK-së.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1073512605427380%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
