Mjeshtrit i violinçelit, Gjovalin Lazri, u nda sot nga jeta në moshën 84-vjeçare.
Mjeshtri Lazri, vuante prej kohësh nga një sëmundje e rëndë.
Vetëm një muaj më parë Lazri u vlerësua me titullin “Mjeshtër i Madh” nga Presidenti i Republikës.
Mjeshtri i madh i violinçelit, Gjovalin Tish Lazri lindi në Shkodër më 13 tetor 1936.
Në vitet 1950 -1958, Lazri, ndoqi Liceun Artistik “Jordan Misja”, në Tiranëku.
Ai morri mësime nga profesorët e njohur të asaj kohe, Matej Guralumi, Ymer Skendëri dhe Boris Skabllovin.
Pas Liceut, Gjovalin Lazri, më pas në vitin 1959, filloi studimet e larta në Akademinë e Muzikës dhe Arteve në Pragë.
Pas ardhjes nga Praga, ai punoi si mësues violonçeli dhe zv/Drejtor Artistik i Shkollës së mesme Artistike “Jordan Misja”, në Tiranë.
Gjatë këtyre viteve, Lazri përgatiti breza të tërë artistësh violonçelist, si dhe ka debutuar edhe vetë si solist.
Ndër vite, Mjeshtri i violinçelit ka botuar artikuj, metoda, dhe studime profesionale në fushën e artit dhe te kulturës.
/Gazetaatdheu.com/
