Mësuesit në Tiranë njoftojnë se do të nisin një revoltë ndaj Ministrisë së Arsimit për një sërë shqetësimesh. Mungesa e regjistrave për notat e nxënësve, kushte të vështira pune, paga e pamjaftueshme janë ndër pakënaqësitë që ka shprehur Sindikata që i përfaqëson.
Fillimisht, mësuesit do të bojkotojnë orën e parë të mësimit të mërkuën e 19 janarit, ndërsa 1 javë më vonë do të protestojnë përpara Zyrës Arsimore Tiranë. Kjo protestë do të organizohet në të gjithë Shqipërinë. Kujtojmë se një protestë e tillë nuk ka ndodhur më parë, pasi shqetësimit kanë qenë përgjithësisht lokale dhe në zona të caktuara.
Njoftimi:
“Mësuesit e Tiranës të bëhen gati të protestojnë për:
-Regjistrat (muaji janar shkollat pa regjistra)
-Kushtet minimale të punës.
-Pagat e pamjaftueshme.
Javës që vjen, të mërkurën, Protestë në çdo shkollë të Tiranës.( të pezullohet ora e parë e mësimit).( 45 min e para të mësimit)
Mësuesit qëndron përprara klasës, por nuk zhvillon mësim.
E mërkurë 19 janar, të pezullohet ora e parë e mësimit protestë në çdo shkollë të Tiranës…
E mërkurë 26 janar ora 14:30 protestë përpara Zyrës Arsimore Tiranë.”, shkruhet në njoftim.
