Pasi shumë të rinj në pak kohë humbën jetën për shkak të shpejtësisë, këtë të premte u bënë ndryshime në Kodin Rrrugor.
U vendos që shoferët e rinj për 2 vitet e para pas pajisjes me patentë, u ndalohen të ngasin mjete me fuqi të lartë motorike.
Pra disa nga makinat që mund të ngasin janë Fiat 500, Toyota Yaris, Smart, Renault, Citroen, etj.
Makina të cilat përmbushin kufirin e 55 kuaj fuqi për ton. Këto janë makina familjare lëvizëse dhe jo makina me fuqi motorike të lartë që mund të shërbejnë për gara ekstreme.
Një masë e tillë është bërë e domosdoshme për të shmangur aksidentet e rënda si ato që kemi parë ditët e fundit.
Vetëm një javë më parë një 20-vjeçar që kishte më pak se 1 vit që kishte marrë patentën shkaktoi një aksident ku humbën jetën 3 persona dhe u plagosën 3 të tjerë.
Shoferët e rinj, padyshim që nuk i ka pëlqyer ky ligj pasi kërkojnë që me marrjen e patentës të ngasin makina sportive dhe me kilometrazh të lartë.