Binjaket e bashkuara, 22-vjeçaret Lupita dhe Carmen Andrade kanë rrëfyer se si është të jetosh jetën e tyre të bashkuar dhe keqkuptimet e zakonshme rreth jetës së tyre në lidhje dhe më gjerë.
Binjaket, të cilat kanë lindur në Meksikë, por janë rritur në Connecticut, kanë një legen, një sistem riprodhues, një mëlçi dhe një qarkullim gjaku. Secila prej tyre ka një këmbë.
“Kemi pasur shumë sfida, por kemi një jetë të mrekullueshme. Ne shkojmë në kinema dhe koncerte duke zënë një vend dhe udhëtojmë me aeroplan”, tha Carmen.
Ata shpjeguan se asnjëherë nuk kanë tentuar të bëjnë një operacion që do t’i ndante, pasi mund të ishte fatale për njërën apo edhe për të dyja. Kur ishin të vogla, ata bënë terapi fizike për të mësuar se si të uleshin dhe të kontrollonin këmbët e tyre, kurse hapat e parë i hodhën kur ishin 4 vjeç.
Por kur bëhet fjalë për takimet, ata kanë një pikëpamje paksa të ndryshme, Carmen ka një të dashur të quajtur Daniel, ndërsa Lupita është aseksuale.
Carmen u takua me të dashurin e saj në aplikacionin e takimeve Hinge në tetor 2020 dhe ajo tha se e kuptoi që ai ishte i duhuri, pasi në takim ai nuk i bëri asnjë pyetje në lidhje me të qenit një binjake e lidhur.
Edhe pse ajo dhe Danieli janë në lidhje, Carmen tha se ata nuk kanë pasur jetë intime seksuale me njëri-tjetrin. Ajo e përshkroi lidhjen e tyre më shumë si një “miqësi të ngushtë”.
Të dy kanë folur për fejesën në të ardhmen, por së pari duan të jetojnë bashkë.
“Daniel dhe unë i duam fëmijët, por ne nuk mund të kemi një tonin. Më pëlqen të jem nënë! Unë dhe Lupita nuk mund të mbetemi shtatzënë, kemi endometriozë dhe jemi gjithashtu në një bllokues hormonal që na pengon të kemi menstruacione.”
Edhe pse Lupita nuk është në lidhje me Danielin, Carmen thotë se të dy shkojnë “shumë mirë”.
“Ndonjëherë ndihem keq sepse dua të kaloj kaq shumë kohë me Danielin. Pra, ne përpiqemi të arrijmë me kompromise. Për shembull, [Lupita] do të zgjedhë se ku do të dalim për darkë, ose çfarë aktiviteti do të bëjmë”, tha ajo.