Violeta Donaj nënë e dy fëmijëve është dënuar me 9 vite burg nga Gjykata e Apelit.
38-vjeçarja tre vite më parë vrau burrin e saj Kujtim Donaj në tregun e Milotit.
Ngjarja ka ndodhur në 2018, kur autorja qëlloi 4 herë me pistoletë në drejtim të të shoqit duke e lënë atë të vdekur.
Para togave të zeza në Gjykatën e Laçit, Donaj, nënë e 2 fëmijëve u shpreh se bashkëshorti i saj e torturonte, luante bixhoz dhe pinte alkool.
Ajo tha se e kishte paralajmëruar disa herë atë se do e denonconte në polici por sipas saj ai e kërcënonte duke i thënë se do dënohej të paktën 3-6 muaj burg dhe më pas kur të lirohej ajo duhet ta merrte me mend se çfarë do i ndodhte.
