Një ngjarje e rëndë ka ndodhur ditën e djeshme në Selanik ku një 41-vjeçar është gjetur i vdekur me plagë në kokë pranë babait të tij gjysmë të ndërgjegjshëm.
Sipas mediave greke ngjarja ka ndodhur në orën 19:00, në një banesë në katin e dytë të një pallati në rrugën Omirou.
“Djalin e gjeta të vdekur dhe bashkëshortin pa ndjenja”, ka deklaruar nëna e viktimës.
Babai që në momentin e parë u konsiderua si i dyshuari kryesor për kryerjen e vrasjes. Hetuesit hedhin poshtë mundësinë që të ketë një person të tretë të përfshirë.
Fqinjët raportuan se babë e bir kishin debate të ashpra pothuajse çdo ditë gjatë javës së kaluar.