Cristiano Ronaldo tashmë është zyrtarisht lojtar i Manchester Unitedit dhe pritet që në orët e pasdites të prezantohet me fanellën e klubit nga Lisbona.
Ylli portugez u largua nga Juventusi pas tre vitesh, pasi mendonte se skuadra nuk mund të garojë për trofe me kapacitetet aktuale dhe vendosi të rikthehej te Djajtë e Kuq pas më shumë se 11 vitesh.
Me rikthimin e pesë herë fituesit të Topit të Artë në Old Trafford, ndodhën tre gjëra që ndoshta tifozët e Unitedit nuk i kishin imagjinuar.
Menjëherë pas njoftimit nga Manchester United se Ronaldo është lojtar i tyre, ueb-faqja e tyre ra nga sistemi dhe nuk mund t’i përballonte vizitat në të.
Postimi i portugezit në Instagram se po largohej nga Juventusi për t’u rikthyer te skuadër angleze mori miliona pëlqime (41.3 milionë në momentin që është shkruar artikulli), që është një rekord i ri.
Një tjetër fakt është se pas prezantimit të Ronaldos, aksionet e klubit janë rritur për 8 për qind, që i bije se në vlerë janë shtuar 250 milionë dollarë.
të përbetuar, Lionel Messin që kaloi te Paris Saint-Germain po ashtu në këtë muaj.
