Detaje të tjera janë zbardhur për Leonard Thodhori dhe Fatmir Sulovari, të cilët rezultojnë të zhdukur prej më shumë se dy javësh. Policia dhe familjarët e tyre janë duke zhvilluar kërkime në disa zona në Sarandë, por pa rezultat. Deri më tani asnjë shenjë apo indicie për vendodhjen e tyre.
Ndërkohë, nëna e Leonard Thodhorit ka treguar në një intervistë televizive se së fundmi djali i saj ruhej pasi kishte frikë se e ndiqnin dhe mund ta vrisnin. Ajo ka rrëfyer se Leonardi i ka thënë që nëse nuk kthehet brenda dy ditësh në shtëpi të bëjë kallëzim sepse diçka mund t’i ketë ndodhur.
Mësohet se Thodhori ishte përdorues i kokainës dhe para se të zhdukej për dy ditë ka konsumuar lëndë narkotike së bashku me një shok. Në këtë pikë një pikë dyshimi për zhdukej e tyre është edhe përfshira në banda droge.
