Skuadra e MLS-së, FC Cincinnati, ka nisur kontakte fillestare me përfaqësuesit dhe ekipin menaxherial të Neymar, për të eksploruar mundësinë e një transferimi të bujshëm të sulmuesit në Shtetet e Bashkuara, sipas raportimit të The Athletic.
Burimet theksojnë se bisedimet janë ende në një fazë shumë të hershme dhe pa zhvillime konkrete, por drejtuesit e Cincinnati-t besohet se e konsiderojnë projektin e klubit dhe potencialin financiar si elementë tërheqës për yllin brazilian.
Aktualisht, Neymar është nën kontratë me Santos deri në fund të vitit 2026, çka e bën çdo lëvizje të mundshme të varur nga negociata të mëtejshme mes palëve.
