Neymar ka treguar edhe një herë anën e tij më të ndjeshme, këtë herë larg fushës së futbollit.
Ylli brazilian ishte i pranishëm në recitalin e baletit të vajzës së tij, Mavie, dhe emocionet duket se e kanë mposhtur. Gjatë performancës, Neymar u përlot, duke e ndjekur me krenari çdo lëvizje të vogël të së bijës.
Momenti është bërë menjëherë viral në rrjetet sociale, ku fansat kanë komentuar anën e ëmbël të futbollistit si baba.
Nga driblimet dhe golat, te lotët për vajzën e tij – Neymar thjesht nuk mundi t’i mbajë emocionet. ❤
Një tjetër moment që tregon se, përtej famës dhe trofeve, për një baba nuk ka skenë më të madhe se ajo ku performon fëmija i tij.
