Mysafir surprizë për festimet e Barcelonës. Menjëherë pasi u zyrtarizua titulli i La Ligës, i fituar të dielën pas fitores ndaj Espanyol (4-2), disa lojtarë patën kënaqësinë të gjenin një të njohur të vjetër për të festuar këtë sukses të madh.
Një ditë pas ndeshjes së Paris Saint-Germain kundër Ajaccio (5-0), gjatë së cilës ai ishte i pranishëm në tribunat e “Parc des Princes”, Neymar përfitoi dy ditë pushimi për të marrë avionin dhe për të shkuar në Katalonjë, ku ai kaloi katër vjet të jetës dhe karrierës së tij (2013-2017).
Braziliani 31-vjeçar u takua me disa lojtarë të Barcelonës dhe festoi së bashku titullin e 27-të të klubit katalanas në klubin e natës Carpe Diem, ku disa nga Blaugrana vazhduan të festonin gjatë natës.
Neymar ka një marrëdhënie shumë të mirë me disa lojtarë të Barcelonës si Marc-Andre ter Stegen, Jordi Alba, Sergi Roberto dhe Sergio Busquets, dhe ai kishte luajtur në fushë së bashku me Xavi, i cili u bë trajner i Barçës.
Jashtë fushës deri në fund të sezonit, Ney iu nënshtrua një operacioni në kyçin e djathtë dhe nuk do të shkelë në fushën e Ligue 1 deri në fund të ligës franceze, ndërsa ka thënë se është i hapur për mundësinë e largimit nga kampionët francezë. /Zougla
